All
Showing 1,801–1,820 of 9,209 posts
அடிக்கல் நாட்டிய ஒரே ஆண்டுக்குள் தொடக்கம் கண்டு, பல்லாயிரம் பேருக்கு வேலைவாய்ப்பு அளித்து வரும் பெரம்பலூர் பீனிக்ஸ் கோத்தாரி காலணித் தொழிற்சாலையே எனது இந்த வாக்குக்குச் சான்று கூறும்... https://t.co/t1mVFEo5Qq
#Live: அரியலூர் - பெரம்பலூர் மாவட்டங்களுக்கான அரசு நலத்திட்ட விழாவில் சிறப்புரை https://t.co/YBGlhRIoRb
ஜெயங்கொண்டத்தில் இன்று நான் அடிக்கல் நாட்டி - ரூ. 1000 கோடி முதலீட்டில் அமையவுள்ள #DeanShoes காலணி உற்பத்தித் தொழிற்சாலை மிக விரைவில் திறப்பு விழா காணும்! தமிழ்நாட்டின் தொழில்துறையில் முன்னெப்போதும் காணாத புரட்சி! அனைத்து மாவட்டங்களின் வளர்ச்சி! @TRBRajaa @Guidance_TN https://t.co/Plh1KPRkzl
கிண்டி கலைஞர் நூற்றாண்டு உயர்சிறப்பு மருத்துவமனையில் பணிபுரியும் மருத்துவர் திரு. பாலாஜி அவர்களை நோயாளியின் குடும்ப உறுப்பினர் ஒருவர் கத்தியால் குத்திய சம்பவம் அதிர்ச்சியளிக்கிறது. இக்கொடுஞ்செயலில் ஈடுபட்ட நபர் உடனடியாகக் கைது செய்யப்பட்டுள்ளார். மருத்துவர் திரு. பாலாஜி அவர்களுக்குத் தேவையான அனைத்து சிகிச்சைகளை அளித்திடவும், இச்சம்பவம் குறித்து விரிவான விசாரணை நடத்திடவும் ஆணையிட்டுள்ளேன். அரசு மருத்துவமனைகளை நாடி வரும் நோயாளிகளுக்கு நேரம் - காலம் பார்க்காமல் உரிய சிகிச்சை அளிப்பதில் நமது அரசு மருத்துவர்களின் தன்னலமற்ற பணி அளப்பரியது. இப்பணியின்போது அவர்களின் பாதுகாப்பை உறுதி செய்தல் நம் அனைவரின் கடமையாகும். இதுபோன்ற சம்பவங்கள் எதிர்காலத்தில் நிகழாமல் தடுத்திடுவதற்கான அனைத்து நடவடிக்கைகளையும் அரசு மேற்கொள்ளும்.
கோயில் இருக்கும் தெருவுக்குள் நுழையாதே என்றார்கள். நுழைந்தோம்! கோயிலுக்குள் நுழையாதே எனத் தடுத்தார்கள். நுழைந்தோம்! கருவறைக்குள் நுழையத் தகுதி உண்டா என ஒதுக்கினார்கள். நுழைவோம் என்று அனைத்துச் சாதியினரும் அர்ச்சகராகச் சட்டமியற்றினோம்; பயிற்சிப் பள்ளிகள் துவங்கினோம்! பயிற்சி முடித்துப் பலரும் வந்துகொண்டிருக்கிறார்கள். திராவிடம் மகிழ்கிறது! இவர்களைத் தடுக்க ஏற்படுத்தப்படும் அத்தனை தடைகளையும் உடைப்போம்; சமத்துவத்தை நிலைநாட்டுவோம்! @PKSekarbabu @tnhrcedept
ஊரக வளர்ச்சி மற்றும் ஊராட்சித் துறை சார்பில், கோயம்புத்தூர், கடலூர், ஈரோடு, கன்னியாகுமரி, புதுக்கோட்டை, தென்காசி, தஞ்சாவூர், தேனி, தூத்துக்குடி, திருச்சிராப்பள்ளி, திருப்பூர் மற்றும் விழுப்புரம் ஆகிய மாவட்டங்களில் 64 கோடியே 53 இலட்சம் ரூபாய் செலவில் கட்டப்பட்டுள்ள 17 ஊராட்சி ஒன்றிய அலுவலகக் கட்டடங்களைத் திறந்து வைத்தேன்.
எண்ணியெண்ணி நெகிழும் நினைவுகளால் நிறைந்தது விருதுநகர் பயணம்! 🖤 தந்தை பெரியார் பிறந்தநாள் - சமூகநீதி நாள்! 💙 புரட்சியாளர் அம்பேத்கர் பிறந்தநாள் - சமத்துவ நாள்! 🤍 அருட்பிரகாச வள்ளலார் பிறந்தநாள் - தனிப்பெருங்கருணை நாள்! அயோத்திதாசப் பண்டிதர் பெயரில் மேம்பாட்டுத் திட்டம், அண்ணல் அம்பேத்கர் தொழில் முன்னோடிகள் திட்டம் என அரும்பெரும் தலைவர்களைப் போற்றும் நமது #DravidianModel-இல், நவீனத் தமிழ்நாட்டின் சிற்பி கலைஞர் பெயரிலான மக்கள்நலத்திட்டங்கள் சிலரது கண்களை உறுத்துகிறது. #LetterToBrethren
ஜனவரி 1, 2025: குமரிமுனையில் வானுயர்ந்து நிற்கும் வள்ளுவர் சிலையின் வெள்ளி விழா! https://t.co/McfFESptUv
படிக்க உதவிட வேண்டும் என 2021-ஆம் ஆண்டு மாணவி ஷோபனா எனக்குக் கடிதம் எழுதினார். அவர் கல்லூரியில் சேரவும் படிக்கவும் உதவினேன். மூன்றாண்டுகளில் தனது கல்லூரிப் படிப்பை நிறைவு செய்து, வேலைக்குச் செல்லும் அவரை அழைத்து வாழ்த்தினேன். ஒரு பெண் கற்கும் கல்வி ஏழேழு தலைமுறைக்கும் அரணாய் விளங்கும் என்பதையுணர்ந்து, பெண் கல்வியை அனைவரும் ஊக்குவிக்க வேண்டும்!
📜 நிலமும் வீடும் பெரும்பான்மையான மக்களின் கனவு! அதனை ஈடேற்றும் வகையில் 40 ஆயிரம் பேருக்குப் பட்டா உட்பட, 🔹 ரூ.417.21 கோடி மதிப்பிலான அரசு நலத்திட்ட உதவிகளை 57,556 பயனாளிகளுக்கு வழங்கி, 🏢 விருதுநகர் மாவட்ட ஆட்சியர் அலுவலகக் கட்டடம், 🏫 ரூ.21.36 கோடி செலவில் முடிவுற்ற 34 பணிகள் ஆகியவற்றைத் திறந்து வைத்தேன்.
#Live: விருதுநகரில் அரசு நலத்திட்ட உதவிகள் வழங்கும் விழாவில் சிறப்புரை https://t.co/M2alBoS1ot
ஏழாவது முறையாகத் திராவிட முன்னேற்றக் கழகம் ஆட்சி அமைக்க விருதுநகரின் ஏழு சட்டமன்றத் தொகுதிகளிலும் வெற்றியைப் பெற்றுத் தருவோம் என நிர்வாகிகள் கூட்டத்தில் உறுதியளித்தார்கள்… https://t.co/R8dEiHl5VT
இன்று விருதுநகர் மாவட்ட ஆய்வின்போது, 2 லட்சத்திற்கும் மேற்பட்ட தொழிலாளர்களுக்கு வேலைவாய்ப்பு அளிக்கும் பட்டாசுத் தொழிற்சாலைகளில் பணிபுரிபவர்களிடம் அவர்களது தேவைகள் குறித்து கலந்துரையாடினேன்! https://t.co/bmDAoqMcHL
#என்_உயிரினும்_மேலான போட்டியின் வழியாக நம் இயக்கத்திற்குக் கிடைத்த 182 இளம் பேச்சாளர்களையும் பயன்படுத்திக் கொள்ள வேண்டும் என நான் சொன்னதையொட்டி, தமிழ்நாடு முழுவதும் பல கூட்டங்கள் கழகத்தினரால் நடத்தப்பட்டு வருகின்றன. வாழ்த்துகள்! சென்னையில் இன்று நடைபெற்ற அத்தகையதோர் கூட்டத்தை நேரில் கண்டபோது, திராவிடத்துக்கு எதிரான திரிபுவாதங்களைத் தவிடுபொடியாக்கும் கருத்தியல் தெளிவுமிக்க இளைஞர் படையால் 'இன்னும் ஒரு நூற்றாண்டுக்குத் திராவிட இயக்கம் இதே வீரியத்துடன் இருக்கும்' என்ற நம்பிக்கை வலுப்பெற்றது. #A_New_History_Rising
முத்தமிழறிஞர் கலைஞர் அவர்களது பெருமுயற்சியால் உருவான செம்மொழித் தமிழாய்வு மத்திய நிறுவனத்தின் கலைஞர் மு. கருணாநிதி செம்மொழித் தமிழ் விருதினை முனைவர் மா. செல்வராசன் அவர்களுக்கு வழங்கி, @tnschoolsedu சார்பில் வகுப்பறை உட்கட்டமைப்பினை மேம்படுத்தும் வகையில் பல்வேறு புதிய கட்டடங்களைத் திறந்து வைத்தேன். மேலும், பல துறைகளிலும் உதவிப் பொறியாளர் பணியிடத்திற்குத் தெரிவு செய்யப்பட்டவர்களுக்குப் பணி நியமன ஆணைகளையும், கருணை அடிப்படையிலான பணி நியமன ஆணைகளையும் வழங்கினேன்.
“அண்ணல் அம்பேத்கர் தொழில் முன்னோடிகள் திட்டம்” - ஆதிதிராவிடர் – பழங்குடியின மக்களில் இருந்து தொழில்முனைவோர்களை உருவாக்கிடும் #DravidianModel-இன் புரட்சித் திட்டம்! இதுவரையில், ✅ பயனாளிகள் - 1988 ✅ கடன் - ரூ.453 கோடி ✅ மானியம் - ரூ.230 கோடி @dinathanthi-யின் இந்தத் தலையங்கம் நமது பணிகளுக்கான ஊக்கம் என்றாலும்; இதன் நோக்கம் தேவையுள்ள மக்களுக்கு முழுதாகச் சென்றடைய, விண்ணப்பிக்கத் தகுதியுடையோர் அனைவரும் இதனைப் பயன்படுத்திக்கொண்டு உயரவேண்டும்!
"அடுத்ததும் உங்க ஆட்சிதான்" எனும் கோவை மக்களின் வாஞ்சை மிகுந்த வரவேற்பும் ஆரவாரமும், இப்போதும் உள்ளத்தில் ஒலிக்கிறது! கோவையைத் தொடர்ந்து விருதுநகருக்கான திட்டங்களுடன் வருகிறேன்! #LetterToBrethren https://t.co/Y8hPh6MVUB
கோவையின் அறிவுச்சின்னமாக எழவுள்ள ‘தந்தை பெரியார் நூலகம் – அறிவியல் மைய’-த்துக்கான அடிக்கல்லை நாட்டி, அப்பொழுதே திறப்பு விழாவுக்கான நாளையும் உறுதியாக அறிவித்தேன்! கோவையின் எழில்மிகு அடையாளமாக உருவாகி வரும் செம்மொழிப் பூங்கா பணிகளையும் பார்வையிட்டேன்! மாவட்டம்தோறும் - தொகுதிதோறும் – ஒவ்வொரு தனிமனிதரின் தேவையையும் தீர்த்து வைக்கவே நாளும் உழைக்கிறேன்… உங்களின் ஆதரவோடும் ஊக்கத்தோடும்!
ஒரு திட்டத்தின் வெற்றி என்பது அதன் நோக்கத்தைவிடவும் அதனை நடைமுறைப்படுத்தும் முறையில்தான் அடங்கியிருக்கிறது! அந்த வகையில், கோவை மாவட்டத்தில் நேற்று நான் நடத்திய ஆய்வுக் கூட்டத்தில், பில்லூர் கூட்டுக் குடிநீர்த் திட்டத்தின் 3-ஆம் கட்டப் பணிகளை, குறித்த காலத்தில் நிறைவேற்றிக் காட்டிய அதிகாரிகளையும்; #தமிழ்ப்புதல்வன் திட்டத்தில் மாநிலத்திலேயே அதிக எண்ணிக்கையிலான மாணவர்கள் பயன்பெறும் வகையில் செயல்படுத்திக் காட்டி வரும் அதிகாரிகளையும்; மாற்றுத்திறனாளித் தோழர்களுக்காக நமது #DravidianModel அரசு கொண்டு வந்த திட்டங்களை அதிக அளவிலான பயனாளிகளுக்குக் கொண்டு சேர்த்த அதிகாரிகளையும் பாராட்டி ஊக்கமளித்தேன்! நமது #திராவிட_மாடல் அரசின் திட்டங்களைக் கடைக்கோடி மனிதருக்கும் கொண்டு சேர்க்கும் இத்தகைய அதிகாரிகளால்தான், நமது கனவுகள் மெய்ப்படுகிறது!
As the Chief Minister and a proud parent from Tamil Nadu, my heart fills with pride to see our youth recognized for their brilliance. Through the #NaanMudhalvan initiative, a project close to my heart, we are nurturing leaders who are ready to shine on the global stage. Our youth stand tall, declaring to the world, “We are here, ready to conquer and lead.”